دۆناڵد ترامپ سەرۆککۆماری ئەمریکا، پاش هێرشی سەربازی بۆ سەر دامەزراوەکانی کۆماری ئیسلامی، لە کۆشکی سپیدا لێدوانی دا و هەڕەشەی کرد کە هەر چەشنە وڵامدانەوەیەکی ئێران بە هێرشەکەی ئەمریکا، بەهێزتر وڵام دەدرێتەوە.
ئەمریکا لە هێرشەکەی خۆیدا، بە فڕۆکەی بی٢ دامەزراوە ناوکییەکانی کۆماری ئیسلامیی کردە ئامانج و ئەمە بە مانای هاتنەناوەوەی فەرمیی ئەمریکا لە شەڕی نێوان ئیسرائیل و کۆماری ئیسلامییە.
دوابەدوای ئەم هێرشە، لە هەندێک میدیاکاندا باسی ئەوە کرا کە لە کاتژمێرەکانی داهاتوودا کۆماری ئیسلامی هێرش دەکاتە سەر بنکە سەربازییەکانی ئەمریکا لە ناوچەکەدا.
