ئەرتەشی ئیسرائیل ئەمڕۆ هەینی ٦ی پووشپەڕ ڕایگەیاند کە نزیکەی ٥٠ لەسەدی سەکۆ مووشەکییەکانی کۆماری ئیسلامییان لەنێو بردووە.
ئەرتەشی ئیسرائیل بە بڵاوکردنەوەی بەیاننامەیەک، باسی لەوە کردووە کە لە هێرشەکانی خۆیدا بۆ سەر بنکە ناوکییەکانی کۆماری ئیسلامی، هەزاران دەزگای سانتریفیووژی لەنێو بردووە.
ئەرتەشی ئیسرائیل هەروەها باسی لە لەنێوبردنی زیاتر لە ٣٥ ناوەندی بەرهەمهێنانی مووشەک لە ئێراندا کردووە.
لە ئۆپەراسینی سەربازیی ئیسرائیل ناسراو بە شێری ڕاساو، ئەرتەشی ئەم وڵاتە لە ماوەی ١٢ ڕۆژدا، هەموو ژێرخانە ناوکییەکانی ڕێژیم و بنکە گرینگە سەربازییەکانی کردە ئامانج کە لە ئاکامدا، ژمارەیەکی بەرچاو لە فەرماندە باڵاکانی ڕێژیم کوژران.
