کاک مستەفا هیجری، سکرتێری گشتیی حیزبی دێموکراتی کوردستانی ئێران، بەبۆنەی جێژنی قوربان پەیامێکی پیرۆزبایی بڵاو کردەوە.
دەقی پەیامەکە بەم چەشنەیە:
بە بۆنەی جێژنی قوربان، ڕێوڕەسمی پیرۆزی ئایینی ئیسلام، پیرۆزبایی لە سەرجەم باوەڕمەندانی ئەم ئایینە و موسوڵمانانی کوردستان دەکەم.
ئەم جێژنە، مخابن لە هەلومەرجێکدا بەڕێوە دەچێ کە نەتەوەکانی ئێران بە هەموو پێکهاتە و بیر و باوەڕێکی جیاوازەوه، لە ژێر ستەمدان و کۆمەڵگاکانی نێو جوغرافیای ئێرانیش بە هۆی سیاسەتی چەوت و دژەمرۆیی کۆماری ئیسلامی، لەگەڵ ژیانێکی دژوار و ئاوێتە بە جۆرەکانی قەیران بەرەوڕوون.
وێڕای پیرۆزبایی ئەم بۆنەیە، هیوادارین هەموو بۆنە نەتەوەیی و ئایینیەکان لە دواڕۆژێکی ئازاد و بەدوور لە چەوسانەوە و بێ مافیدا بەڕێوە بچن.
مستەفا هیجری
سکرتێری گشتیی حیزبی دێموکراتی کوردستانی ئێران
١٥ی جۆزەردانی ١٤٠٤ی هەتاوی
٥ی ژوئەنی ٢٠٢٥ی زایینی
