ڕۆژی چوارشەممە ١٤ی جۆزەردانی ١٤٠٤، دایە خاتوون مەحموودپوور دایکی پێشمەرگەیەکی حیزبی دێموکرات بە هۆی نەخوشی و بەساڵاچووییەوە لە تەمەنی ١٠٠ ساڵیدا لە گوندی نجنێی خوارێ سەر بە شاری بانە کۆچی دوایی کرد.
کوڕێکی دایە خاتوون بە ناوی ڕەحیم شازدە پێشمەرگەی کوردستانە و ساڵانێکە لە ڕیزەکانی حیزبی دێموکراتدا خزمەت بە نیشتمانەکەی دەکات.
دایە خاتوون هەتا دوایین ساتەکانی ژیانی وەفادار بەو ڕێبازە بوو کە کوڕەکەی بۆ خەبات و تێکۆشان هەڵیبژاردبوو.
تەرمی دایە خاتوون لەنێو ئاپۆڕای خەڵکی نجنێی خوارێدا بە خاکی کوردستان سپێردرا.
ناوەندی ڕاگەیاندنی حیزبی دێموکراتی کوردستانی ئێران، بەم بۆنەوە سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت
