ڕۆژی یەکشەممە ٨ی پووشپەڕ، کاک برایم خزری ناسراو بە برایمی حەسەنی خدری برای شەهیدی فەرماندە عەبدوڵڵا خزری خەڵکی گوندی بێوخەڵەف سەر بە شاری سەردەشت لە تەمەەنی ٧٧ ساڵیدا و بە هۆی بەساڵاچوویی و نەخۆشییەوە کۆچی دوایی کرد.
ناوبراو سەر بە بنەماڵەیەکی شۆرشگێڕ بوو و لە دوای شۆڕشی گەڵانی ئێران و ئازادبوونی کوردستان زۆر بەدڵسۆری شانی دایە بەر پاراستنی کوردستان و ئەوکات کە زۆربەی ڕێبەرایەتیی حیزبی دێموکرات لە گوندی بنێوخەڵەف نیشتەجێ ببوون بە شانازییەوە خزمەتی پێشمەرگەکانی دەکرد و هەر ئەوەش بوو بە هۆی ئەوەی کە کاتێک حیزب گوندەکانی بەجێ هێشت لەلایەن داگیرکەرانی ڕێژیمی ئیسلامییەوە بکەوێتە بەر ئەزیەت و ئازار .
ناوەندی ڕاگەیاندنی حیزبی دێموکراتی کوردستانی ئێران بەم بۆنەوە سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
