ڕۆژی هەینی ١٧ی گەلاوێژی ١٤٠٤، کاک مستەفا عەلینژاد ناسراو بە مستەفا ناڕحەت کەسایەتیی خۆشناو و نیشتمانپەروەری شاری شنۆ لە تەمەنی ٨٧ ساڵیدا و دوای ماوەیەک نەخۆشی بەهۆی جەڵتەی مێشک کۆچی دوایی کرد.
لە سەردەمی خەباتی چەکداریی حیزبی دێموکراتدا کاک مستەفا دۆستی نێزیک و یارێکی چالاکی حیزب بوو.
کوڕێکی ناوبراو بە ناوی مەولوود ئێستا ئەندامی حیزبە و لە دەرەوەی وڵات دەژیت.
کاک مستەفا بە هۆی ئەوەی کە کوڕەکەی ساڵانێک پێشمەرگە بووە، لەلایەن ناوەندە ئەمنییەتییەکانی ڕێژیمەوە بەرەوڕووی سووکایەتی و ئەشکەنجە بووەتەوە.
تەرمی ناوبراو هەمان ڕۆژ لەنێو ئاپۆڕای خەڵکی شنۆ و دەوروبەری لە گۆڕستانی شەهیدان ئەسپەردەی خاکی پیرۆزی کوردستان کرا.
ناوەندی ڕاگەیاندنی حیزبی دێموکراتی کوردستانی ئێران بەم بۆنەوە سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
