ڕۆژی پێنجشەممە ٩ی گەلاوێژی ١٤٠٤، دایە خاتوون شێخەپوور بەهۆی نەخۆشی و بەساڵاچووییەوە ماڵاوایی لە ژیان کرد.
دایە خاتوون ژنێکی حیزبدۆست و پێشمەرگەپەروەر و جێگای متمانەی کادرەکانی سەردەشت بوو و ماڵ و مووچەی جێگای حەوانەوەی کادرەکان بوو.
سەرەڕای ئازار و ئەشکەنجەی دامودەزگا سیخوڕی و ئیتلاعاتییەکان، دایە خاتوون هەر لەسەر باوەڕی خۆی بەردەوام بوو و پشت وپەنای پێشمەرگەکانی حیزب بوو.
دایە خاتوون بە ئازایەتی و لێزانی هەستی بە پیلانی مۆرە ئیتلاعاتییەکان دەکرد و لە ئاست درکاندنی شوێنی کادرەکان نهێنی پارێز بوو.
کوڕێکی دایە خاتوون بە ناوی حەسەن ئیسماعیلی ناسراو بە حەسەن قەلەڕەشی زیاتر لە ١٢ساڵ پێشمەرگەی حیزب بووە و ئێستاش لە وڵاتی دانیمارک وەک ئەندامی ئاشکرای حیزب خزمەت بە نیشتمانەکەی دەکات.
ناوەندی ڕاگەیاندنی حیزبی دێموکراتی کوردستانی ئێران بەم بۆنەوە سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
