کەمی بودجەێ ٨٠٠ هەزار میلیارد تمەنی وە یەکێگ لە قەیرانەیل دارایی فرە جدی ڕژیم ئێران تبدیل بیە، ک نیشانەێ ئاشکرایێگە لە وەڕێوەبردن خراو و بنەڕەتی.
ئێ قەیرانە، دەرئەنجام ساڵانێگ خەرج کردن پۊل فرە ئەرا دامەزریایەیل بێ‌سەمەر، تەبلیغاتی و ئیدئۆلۆژیکە ک هۊچ نەخشێگ لە گەشەێ ئابووری نەیاشتنە.
لە حاڵێگ کە وەزیر ئابووری ڕژیم ئێ کەمیە تەئید کردیە و بەڵێن «چاکسازی» داس، خەڵک لە ژێر بار گرانی سەخت و پەنام ئابووری فرە وەزاڵ هاتنە.
کارناسەیل ئابووری هۆشداری دەن ک ئێ کەمیە گەورا لە ئاخرەو لەگیرفان خەڵک پڕ کریەێدەو؛ یا لە ڕێ چاپ پۊل و فرەتر کردن پەنام ک توانای سەنین لە خەڵک گرێد، یا لە ڕێ قەرزەیل قورس دەوڵەت ک بانان نەوەیل دۊیایی خەێدە مەترسی.
لە ئێران هۊچ ئێرادەێگ ئەرا چاکسازی بنەڕەتی و سڕینەوەێ خەرجەیل زیادە نییە و بەشەیل بێ‌کەڵک دەوڵەت ساڵ وە ساڵ بەش فرەترێگ لە بودجە قووت دەن. ئێ کەمی بودجە تەنیا یەێ ژمارە نییە، بەڵکە زەنگ خەتەرێگە ک نیشان دێد ئابووری ئێران بێ چاکسازی بنەڕەتی، وە رێ داڕمیان یەکجاری کەفتیە.
