ڕۆژی سێشەممە ڕێکەوتی ٦ی خەرمانانی ۱٤۰٤ی هەتاوی "کاک عوسمان مام ئەحمەدی ئازەر" کەسایەتیی خۆشناو و نیشتمانپەروەری خەڵکی ئاوایی دۆستاڵی سەر بە شاری مەهاباد لە تەمەنی ٨٤ ساڵیدا بەهۆی جەڵتەی دڵەوە کۆچی دوایی کرد.
کورێکی ناوبراو بە ناوی قادر مام ئەحمەدی ئازەر و نەوەیەکی بە ناوی کامبیز مام ئەحمەدی‌ئازەر، ماوەی چەند ساڵێکە لە ڕیزی هێزی پێشمەرگەی کوردستاندا خەبات و تێکۆشان دەکەن.
کاک عوسمان کەسایەتییەکی ناسراو و دڵسۆزی خاک و وڵاتەکەی بووە کە لە ساڵەکانی ٦۰ و ۷۰ دا بەردەوام هاوکاریی هێزی پێشمەرگەی کردووە و هەتا دوایین ساتەکانی ژیانی وەفادار بە ڕێبازی کوردایەتی و ڕێبازی دێموکرات مایەوە.
ناوەندی ڕاگەیاندنی حیزبی دێموکراتی کوردستانی ئێران بەم بۆنەوە سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
