بەڕێوەبەری گشتیی فیدراسیۆنی پیشەسازیی ئاوی ئێران لەبارەی وشکبوونی گۆلی ورمێ باسی لەوە کردووە کە پرسی وشکبوونی ئەو دەریاچەیە یەكێک لە کارەساتبارترین و قەیراناویترین پرسی ژینگەیی ئێران و و ناوچەکەیە.
عەلی شەریعەتی، بەڕێوەبەری گشتیی فیدراسیۆنی پیشەسازیی ئاوی ئێران بە ئاماژەدان بە زیانە قەرەبوونەکراوەکانی ئەو قەیرانە ژینگەییە وتوویەتی: "ئەو قەیرانە لێکەوتەی بەربڵاوتری لە بوارەکانی ژینگە، تەندروستیی گشتی، ئابووری، کۆمەڵایەتی و تەنانەت ئەمنییەتی بەدواوە دەبێت".
شەریعەتی هەروەها باسی لەوە کردووە کە ئەو پرسە بەو واتایە کە لە ئێستاوە بەدوا ناوچەکانی دەوروبەری ورمێ، بازرگان و کوردستان و تەنانەت ناوچەی ڕۆژهەڵاتی تەورێز لەگەڵ کەشوهەوای گەرمتر و بەرزبوونەوەی پلەکانی گەرما بەرەوڕوون".
ئەو بەرپرسەی ڕێژیم لەبارەی لێکەوتەکانی ئەو قەیرانەوە هۆشداریی دا وتوویەتی: "لێکەوتەی ئەو قەیرانە تەنیا تایبەت بە تەندروستیی گشتی نییە، بەڵکوو سەرچاوە ئاوییەکان بەشی وەرزێڕی و ئاژەڵداری لەنێو دەچێت. بژێوی سەرەکیی دانیشتووان کە چەندین سەدەیە لەسەر وەرزێڕی و ئاژەڵداریی بیچمی گرتووە، ئەمڕۆ لە لێواری لەنێوچووندایە".
