بەپێی هەواڵی چاونیووز، ڕۆژی هەینی ١٤ی خەرمانانی ١٤٠٤، هاووڵاتییەکی خەڵکی گوندی "قوزلوی هەوشار" لە ناوچەی سەیین قەڵا بە ناوی "عەلی شیری" کوڕی یەحیا لەلایەن هێزە ئەمنییەکانی ڕێژیمەوە دەسبەسەر کراوە و بۆ شوێنێکی نادیار گوازراوەتەوە.
سەرچاوەیەکی ئاگادار ڕایگەیاندووە، ئەو هاووڵاتییە لە هەڵمەتێکدا لەلایەن هێزەکانی ئیتلاعاتەوە بەبێ فەرمانی دادگایی بەند کراوە و دوای پشکنینی وردی ماڵەکەی گواستراوەتەوە بۆ شوێنێکی نادیار.
دوای پێنج ڕۆژ لە بەندکردنی ناوبراو، هیچ زانیارییەک لەبارەی چارەنووس و شوێنی مانەوە و ئەو تۆمەتانەی خراونەتە پاڵ عەلی شیری لەبەر دەستدا نییە.
