جێگری وەزیری تەندروستیی کۆماری ئیسلامی دانی بەوەدا نا کە نزیک بە ٦٠ لەسەدی توانای زانکۆی زانستە پزیشکییەکان لە ئێران بە شێوازی جۆراجۆری پشکەکان پڕ دەکرێتەوە و تەنیا ٤٠ لەسەدی دیکە بۆ خۆبەخشە ئازادەکان دەمێنیتەوە.
ئەم ئامارە وێنەیەکی ڕوون لە نادادپەروەریی پێکهاتەیی لە سیستمی پەروەردەدا نیشان دەدات؛ لەو شوێنانەی کە شایستە سالاری بە کردەوە بووەتە قوربانیی ڕانت و پشکبەندیی سەپێنراو.
سەرەڕای ناڕەزایەتییەکانی ساڵانی ڕابردوو، ڕێژیم و دامەزراوە پەیوەندیدارەکانی سەر بە مەجلیسی ڕێژیم و شواری باڵای ئینقلابی فەرهەنگی، هێشتا پێداگری لەسەر درێژەدان بەو پرۆسەیە دەکەن. تەنانەت لە ڕێوشوێنی نوێدا، پشکە خۆجێیی و تایبەتەکان پارێزراون و گۆڕانکارییەکان تەنیا بە چوارچێوەیەکی نوێ بەرهەم دەهێنرێنەوە.
ئەم سیستمە پشکبەندییە نەک تەنیا مافی خۆبەخشە بەتوانا و بێ پاڵپشتەکان پێشێل دەکات، بەڵکوو کاریگەریی لەسەر چونییەتیی خوێندنی پزیشکی و دواجاریش لەسەر ژیان و تەندروستیی خەڵک دەبێت.
