بەپێی ئاماری ساڵانەی گیانلەدەستداوانی ڕووداوی هاتوچۆ لە ئێران لە ساڵی ١٤٠٣دا، ٢٠ هەزار کەس بەهۆی ڕووداوی هاتوچۆ گیانیان لەدەست داوە کە زیاتر لە ٣ هەزار کەسیان لەو ڕێژەیە منداڵ بوون.
بەپێی ئەو ئامارە، گیانلەدەستدانی ئەو ڕێژە زۆرەی منداڵان داهاتووی حەشیمەتی ئێران دەخاتە مەترسییەوە.
نەبوونی کوالێتیی ڕێگاوبان و شاخاویبوونی ڕێگاکانی گواستنەوەی کوردستان و نزمیی کوالێتیی ماشینەکان هۆکاری سەرەکیی ڕوودانی ڕووداوی هاتوچۆ لەم پارێزگایانەیە کە دەبێتە هۆی گیانلەدەستدان و برینداربوونی ساڵانەی هەزاران کەس.
شایانی باسە ئامارەکانی ناوەندی ئاماریی ڕێژیم هیچکات ڕاستەقینە نییە و ڕاستییەکان بۆ ڕای گشتی بڵاو ناکەنەوە و بەپێی ئامارە نافەرمییەکان ئەو ئامارانە زۆر زیاتر لەو ڕێژەیە کە ناوەندی ئاماری ڕێژیم بڵاوی کردووەتەوە.
گیانلەدەستدانی ٣ هەزار منداڵ لە ساڵێکدا بەهۆی ڕووداوی هاتوچۆ لەکاتێکدایە کە ڕێبەری ڕێژیمی کۆماری ئیسلامیی ئێران چەندین ساڵە سیاسەتی جەوانی حەشیمەتی لە ئێراندا پەرە پێ داوە و خەڵکی هان دەدات کە هەوڵەکانیان بۆ منداڵبوون زیاتر بکەن.
