ڕۆژی شەممە ١٩ی ڕەزبەری ١٤٠٤، کاک عومەر ئەحمەدپوور، خەڵکی ئاوایی نەمنجێ لە ناوچەی پیرانشار، لە تەمەنی ٦٧ ساڵیدا و بە هۆی ڕووداوی هاتوچۆ لە نێوان شنۆ و ورمێ لە نزیک ئاوایی کانی سپی، کۆچی دوایی کرد.
کاک عومەر ساڵی ١٣٦١ بووەتە پێشمەرگە و لە یەکیەتی لاوان و هێزی ئاوارە و کۆمیتەی لاجانی پیرانشار سازمان دراوە.
کاک عومەر دواتر بە هۆی منداڵبوونی خوشک و براکانی و باری گوزەرانیان دەگەڕێتەوە نێوخۆی وڵات؛ دیسانەوە دوای ساڵێک بە هۆی گوشارە لەڕادەبەدەرەکانی ڕێژیم گەڕایەوە نێو حیزب و هەتا ساڵی ٧٠ لە ڕیزەکانی حیزبدا مایەوە.
کاک عومەر هەتا دوایین ساتەکانی ژیانی وەفادار بە ڕێبازی دێموکرات مایەوە.
ناوەندی ڕاگەیاندنی حیزبی دێموکراتی کوردستانی ئێران، بەم بۆنەوە سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
