لە ماوەی ڕۆژانی ڕابروودا، حاجی عەوڵا بەیگی خەڵکی ئاوایی میریسێی مەهاباد لە تەمەنی٩١ ساڵیدا لە شاری مەهاباد کۆچی دوایی کرد.
کاک حاجی لە تێکۆشەرانی بزووتنەوەی چەکداریی ساڵەکانی ٤٦ و ٤٧ی حیزبی دێموکرات بوو و لەو کاتەوە تا دواساتەکانی ژیانی دڵسۆز و وەفاداری ڕێبازی حیزبەکەی مایەوە.
حاجی عەوڵا باوکی دوو شەهیدی دەستی غەدر و تاوانی کۆماری ئیسلامی، شەهیدان ڕەحیم و عەلی بەیگییە.
شەهیدان ڕەحیم و عەلی لە سەرەتای هێرشی کۆماری ئیسلامی بۆ سەر شاری مەهاباد و خەڵکە تێکۆشەرەکەی کەوتنە بەر گرتن و زیندان و ئەشکەنجە و گوللـەبارانکردنی هێزە داپڵۆسێنەرەکانی ڕێژیم و شەهید کران.
ناوەندی ڕاگەیاندنی حیزبی دێموکراتی کوردستانی ئێران، بەم بۆنەوە سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
