ڕۆژی سێشەممە ٨ی ڕەزبەری ١٤٠٤، کاک حەسەن عەبدوڵڵاپوور، کەسایەتیی نیشتمانپەروەری خەڵكی ئاوایی ئاختەتەر لە ناوچەی بۆکان، بەهۆی نەخۆشییەوە و لە تەمەنی ٦٨ ساڵیدا، کۆچی دوایی کرد.
ناوبراو لە ساڵی ١٣٦٥ لەلایەن ئیدارەی ئیتلاعاتی بۆکانەوە بەتاوانی هاوکاری لەگەڵ حیزبی دێموکرات دەسبەسەر کرا و دوای ئازار و ئەشکەنجەیەکی زۆر ڕەوانەی زیندانی ورمێ کرا و دوای دوو ساڵ زیندان و کوێرەوەری ئازاد کرا.
ناوەندی ڕاگەیاندنی حیزبی دێموکراتی کوردستانی ئێران، بەم بۆنەوە سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
