ڕۆژی دووشەممە ۱٤ی ڕەزبەر، کاک ڕەحیم فەیزی کەسایەتیی نیشتمانپەروەر، دۆست و لایەنگری بەئەمەگی حیزبی دێموکرات کۆچی دوایی کرد.
کاک ڕەحیم لە تەمەنی مێرمنداڵییەوە تێکەڵ بە تێکۆشەرانی بزووتنەوەی ٤٦ -٤۷ بوو و هاوکار و هاوڕێ و خەمخۆریان بوو.
لە بزووتنەوی نوێی گەلەکەشماندا وێڕای بنەماڵەکەی قوربانییەکی زۆریان داوە و برایەکی لە ڕیزی پێشمەرگەکانی حیزبدا شەهید بووە و خۆی هیچکات لە خزمەت بە تێکۆشەرانی دێموکرات دانەبڕا.
ناوەندی ڕاگەیاندنی حیزبی دێموکراتی کوردستانی ئێران، بەم بۆنەوە سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
