کاک یووسف جەهانگیری باوکی شەهید محەممەدساڵح جەهانگیری خەڵکی ئاوایی وشتەپەی بۆکان شەوی ڕابردوو ڕێکەوتی ١٩ی خەزەڵوەر، بەهۆی نەخۆشییەوە کۆچی دوایی کرد.
کاک یووسف کەسێکی خۆشەویستی نێو خەڵکی ناوچە و حیزب‌خۆشەویست بوو، ئاواتی ئەوە بوو ئامانجی کوڕە شەهیدەکەی کە ڕزگاریی کوردستان بوو وەدی بێت. ناوبراو هەمیشە دڵی لای ئازادی نیشتمان و حیزبی دێموکرات بوو.
محەممەدساڵح جەهانگیری کوڕی کاک یووسف لە ساڵی ١٣٧١ هەتا ٧٣ی هەتاوی، لە ڕیزەکانی حیزب دێموکراتدا بوو و لە ڕۆژی ١٣ی خاکەلێوەی ساڵی ٧٣ لەلایەن تێرۆریستانی کۆماری ئیسلامیی ئێران شەهید کرا و تەرمەکەی لە هەڵەبجە دۆزرایەوە.
ناوەندی ڕاگەیاندنی حیزبی دێموکراتی کوردستانی ئێران، بەم بۆنەوە سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
