ڕۆژی سێشەممە ٢٠ی خەزەڵوەر، دایە ئایشێ کاکەمەمی دایکی شەهید فەرەیدوون شەنگە لە مەهاباد کۆچی دوایی کرد.
دایە ئایشێ کەسێکی کوردپەروەر و حیزب خۆشەویست بوو، بەوھیوایە دەژیا كە ڕۆژێک لە ڕۆژان بەو ئاواتە بگات كە ڕێژیمی ئێران بڕووخێت و بچێتە سەرگۆڕی كورە شەھیدەكەی، بەڵام بەداخەوە مەرگ ڕێگای نەدا بەو ئاواتەی بگات.
فەرەیدوون شەنگە لە ساڵی ١٣٦٢ی هەتاوی لەگەڵ ٥٩ لاوی مەھاباد ئێعدام كراوە.
ناوەندی ڕاگەیاندنی حیزبی دێموکراتی کوردستانی ئێران، بەم بۆنەوە سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
