لە ئاوایی پارسانیانی ناوچەی تیلەکۆی سەقز پۆلێک بەمەبەستی هۆشیارکردنەوەی خەڵکی ئەو ئاواییە لەمەڕ پاراستنی گیانلەبەرە کوێییەکان و چۆنەیەتیی هەڵسوکەوت و مامەڵەکردن بەنیسبەت ئەو ئاژەڵانەوە، خولێکی فێرکاریی ژینگەیی بەڕێوە چوو.
لەم خولەدا کە نزیکەی ٦٠ خوێندکار تێیدا ئامادەی بوون، پسپۆڕانی بەشی ژینگە، بە کەڵکوەرگرتن لە شێوازی گفتوگۆی چالاک و بەشدارانە، گرنگیی پاراستنی جۆرەکانی ئاژەڵ بە تایبەت بەرخ و مەڕەکانی ئەرمەنییان بۆ بەشداربووان و خەڵکی ئاوایی ڕوون کردەوە.
بە لەبەرچاوگرتنی ئەوەی کە ئاوایی پارسانیان یەکێکە لەو ئاواییە هەستیارانەی کە مێژوویەکی دوورودرێژی لە ڕاوکردندا هەیە، جێبەجێکردنی ئەم جۆرە خولە پەروەردەییە ژینگەییانە لەنێو خەڵک و فێرخوازاندا دەتوانێت ڕۆڵێکی کاریگەر لە بواری شکاندنی زنجیرە وێرانکاریی ڕاوکردنی نایاسایی و بەهێزکردنی کلتوری پاراستنی ژینگە بگێڕێت.
شایانی باسە چەند ساڵێكە لە شارەکانی ڕۆژهەڵاتی کوردستان بیرۆکە و کلتووری پاراستنی ئاژەڵە کوێییەکان و هەوڵە ژینگەپارێزییەکان بە هاوکاریی ڕێکخراوە ژینگەپارێزییەکان و ئەنجومەنە سەربەخۆکانی بواری ژینگە، کەلتووری ژینگەپارێزی و وەلانانی ڕاوکردنی نایاساییان لەنێو خەڵدا جێ کەوتووە.
