ڕۆژی پێنجشەممە ٢٩ی خەزەڵوەری ١٤٠٤، دایە ئامین عوسمانی، ژنی نیشتمانپەروەری خەڵکی ئاوایی تەرەغە بە هۆی پیری و بەساڵاچووییەوە ماڵاوایی لە ژیان کرد.
ناوبراو پشتیوانێکی دڵسۆزی خەڵکی تەرەغە، پیرمحەممەد و پێشمەرگەکانی هێزی بەیان بوو.
ماڵی دایە ئامین ساباتی هەمیشەیی کادر و پێشمەرگەکانی دێموکرات بوو و خوانەکەی ڕازاوە بە کۆڕی لاوانی تێکۆشەری خەباتی نوێی گەلەکەمان بوو.
تەرمی دایە ئامین لەنێو ئاپۆرای خۆشەویستانیدا لە داوێنی تەرەغەی نیشتمان بەخاکی پیرۆزی کوردستان ئەسپێردرا.
ناوەندی ڕاگەیاندنی حیزبی دێموکراتی کوردستانی ئێران بەو بۆنەوە سەرەخۆشی بنەماڵە، خزم و کەسوکاری ناوبراو دەکات خۆی بە هاوبەشی خەمیان دەزانێت.
