شەوی چوارشەممە ١٤ی خەزەڵوەری ١٤٠٤، دایە گوڵشەن ڕەنجبەر دایکی شەهیدێکی کوردستان بە هۆی بەساڵاچووییەوە لە شاری سنە کۆچی دوایی کرد.
کوڕێکی دایە گوڵشەن بە ناوی فەخرەدین مینبەری پێشمەرگەی حیزبی دێموکرات بووە کە لە ساڵی ٦٥دا شەهید بووە.
شەهید فەخرەدین مینبەری ساڵی ١٣٤٤ لە گوندی نییەر لە دایک بووە. ناوبراو کادری دەرمانیی هێزی پێشمەرگەی کوردستان بووە کە ساڵی ١٣٦٥دا لە تێکەڵچوون لەگەڵ هێزەکانی کۆماری ئیسلامی لە گەورەدێی باشووری کوردستان شەهید بووە و چووەتە ڕیزی کاروانی نەمرانی گەلەوە و تەرمەکەی لە کارێزە بە خاک سپێردراوە.
دایە گوڵشەن تا کاتێ کە توانایی جەستەیی ڕێگای پێ دەدا وەکوو ئەندامێکی حیزبی ئەرکەکانی خۆی بە باشی بەڕێوە دەبرد و تا دوایین ساتەکانی ژیانی بە ئاواتی هاتنەدیی ئامانجەکانی کوڕە شەهیدەکەی و هەموو شەهیدانی کوردستان بوو.
تەرمی ناوبراو لە گۆڕستانی بەهەشت محەمەدیی شاری سنە بە خاکی نیشتمان سپێردرا.
ناوەندی ڕاگەیاندنی حیزبی دێموکراتی کوردستانی ئێران، بەم بۆنەوە سەرەخۆشی لە بنەماڵە و خزم و کەسوکاری ناوبراو دەکات و خۆی بە هاوبەشی خەمیان دەزانێت.
