لە ماوەی ڕۆژانی ڕابردوودا، پێشمەرگەیەکی پیشووی حیزب بە ناوی کاوە ئەحمەدزادە لەدایکبووی ساڵی ١٣٥١ و خەڵکی میراوای بۆکان کۆچی دوایی کرد.
کاک کاوە لە بنەماڵەیەکی شۆڕشگیر لە میراوای بۆکان لە دایک بووە.
ناوبراو لە سەردەمی خوێندندا وەک لایەنگری حیزب لە هەموو کار و چالاکیی بۆنەکاندا بەشداریی کردووە؛ و لە ساڵی ١٣٦٩ـەوە دەبێتە پێشمەرگە لە هێزی بەیان و پاشان لە سەر ئیزنی حیزب دەگەڕێتەوە بۆ شاری بۆکان و تا کۆتایی ژیان بە ڕێبازی حیزبی دێموکرات وەفادار دەمێنیتەوە.
ناوەندی ڕاگەیاندنی حیزبی دێموکراتی کوردستانی ئێران بەو بۆنەوە سەرەخۆشی لە بنەماڵە، خزم و کەسوکاری ناوبراو دەکات خۆی بە هاوبەشی خەمیان دەزانێت.
