ڕۆژی پێنجشەممە ۲۰ی سەرماوەزی۱۴۰۴ی هەتاوی کاک محەممەدعەلی محەممەدی کوڕی حاجی ڕۆستەم، خەڵکی ئاوایی گازرخانی سەر بە شاری کامێران، لە تەمەنی ٨۵ ساڵیدا و بەهۆی پیری و بەساڵاچووییەوە کۆچی دوایی کرد.
ناوبراو کەسێکی دڵسۆز و نیشتمانپەروەر و کۆمەڵایەتی و جێگەی متمانەی خەڵکی ناوچەکە بوو.
ناوبراو لە ساڵەکانی دەیەی ٦٠، چەندین جار لەلایەن هێزە ئەمنییەکانەوە بە تاوانی هاوکاریکردنی پێشمەرگە و بنەماڵەکانیان بانگ کراوە و دەسبەسەر کراوە و ئەشکەنجە کراوە و هەر جار چەندین مانگ زیندانی کراوە.
ناوەندی ڕاگەیاندنی حیزبی دێموکراتی کوردستانی ئێران بەو بۆنەوە سەرەخۆشی لە بنەماڵە، خزم و کەسوکاری ناوبراو دەکات خۆی بە هاوبەشی خەمیان دەزانێت.
