ڕۆژی شەممە ٢٩ی سەرماوەزی ١٤٠٤(٢٠/١٢/٢٠٢٥)، بەڕێز مەسعوود فەوزی محەممەد، ڕۆژنامەنووس و دۆستی دێرینی حیزبی دێموکراتی کوردستانی ئێران سەردانی حیزبی دێموکراتی کوردستانی ئێرانی کرد و لەلایەن شاندی دەستەی کارگێڕیی حیزبی دێموکرات بە سەرپەرستیی بەڕێز مستەفا هیجری سکرتێری گشتیی حیزبی دێموکراتی کوردستانی ئێرانەوە بەگەرمی پێشوازیی لێ کرا.
لەو دانیشتنەدا باس لە ڕەوشی ناوچەکە بەگشتی کرا و جەخت لەسەر هاوکاریی زیاتری نیوان حیزبە سیاسییەکانی کوردستان لە هەموو بەشەکاندا کرا.
بەڕێز مەسعوود فەوزی محەممەد ئامادەیی خۆی بۆ هاوکاری لەگەڵ حیزبی دێموکراتی کوردستانی ئێران و بزووتنەوەی کورد لە ڕۆژهەڵاتی کوردستان دەربڕی.
