دۆنالد ترامپ سەرۆککۆماری ئەمریکا لە سەرەتای چاوپێکەوتنی لەگەڵ بێنیامین نێتانیاهوو بە ئاماژەدان بە گەڕی نوێی خۆپێشاندانەکان لە تاران و هەندێک لە شارەکانی دیکە وتوویەتی، کە خەڵکی ئێران کێشەی زۆریان هەیە، هەڵاوسان زۆرە و ئابوورییان داڕماوە، دەزانم خەڵک ناڕازین بەڵام نابێ لەبیرمان بچێت کە هەرکات خۆپێشاندانێک دەبێت و گرووپێکی بچووک یان گەورە درووست دەبێت دەست دەکەن بە تەقەکردن لە خەڵک، ئەوان زۆر بێڕەحم و بێ بەزەیین.
ڕاجر ویکێر، ئەندام پارلەمانی ئەمریکا، لە کاردانەوەی بەم خۆپێشاندانانە وتوویەتی کە خەڵکی ئێران ئەمڕۆ لەمەڕ داڕمانی ئابوورییەک لەسەر شەقامەکانن کە ڕێبەری پشتیوانی تێرۆریسمی کۆماری ئیسلامی بەسەر وڵاتەکەیدا هێناوە.
ناوبراو وتوویەتی کە بەجێی پشتیوانیکردن لە تێرۆریستە ئیسلامگەراکان، پشتیوانی لە شەڕی خەڵکی ئێران بۆ گەیشتن بە حوکمرانێکی عاقڵ دەکەم کە بەرژەوەندیی خەڵکی لەبەرچاو بێت، خەڵکی ئێران دەبێت لە زوڵمێک کە پێش بە گەشەیان دەگرێت، ڕزگارییان بێت.
