رۆژی دووشەممە ١٥ی بەفرانباری ١٤٠٤، محەممەد گوڵابی ئازەر ناسراو بە محەممەد گوڵاوی کوڕی قادر خەڵکی گوندی دێمەسووری ناوچەی شامات و دانیشتووی مەهاباد بەهۆی ڕاوەستانی دڵەوە لە تەمەنی ٦٣ ساڵیدا کۆچی دوایی کرد.
محەممەد گوڵاوی ئەندامی ماڵباتێکی نیشتمانپەروەرە.
کاک قادری باوکی کەسایەتیی ناسراوی ناوچەی شامات و پێشمەرگەی پێشووی حیزب بووە و برایەکیشی بە ناوی کاک سوڵتان گوڵاوی ئێستا بەرپرسی پەیوەندییەکانی حیزب لە وڵاتی ئاڵمانە.
کاک محەممەد بەهۆی ئەوەی باوک و برایەکی پێشمەرگە بوون ئەرکی بەخێوکردنی بنەماڵەکەی لە ئەستۆ بووە.
ناوبراو هەتا دوایین ساتەکانی ژیانی وەفادار بە ڕێبازی حیزبی دێموکرات بووە.
ناوەندی ڕاگەیاندنی حیزبی دێموکراتی کوردستانی ئێران بەو بۆنەوە سەرەخۆشی لە بنەماڵە، خزم و کەسوکاری ناوبراو دەکات و خۆی بە هاوبەشی خەمیان دەزانێت.
