عەلی خامنەیی، لە تازەترین وتەکانیدا دوای خۆپیشاندانە بەرفراوانەکانی کوردستان و شارەکانی ئێران، وێڕای بێڕێزیکردن، بە زمانی هەڕەشەوە باسی خۆپیشاندەران و ترامپی کرد.
عەلی خامنەیی، ڕێبەری ڕێژیمی ئێران، بەیانیی ڕۆژی هەینی ١٩ی بەفرانباری ١٤٠٤، لە دیدارێکدا لەگەڵ خەڵکی قوم، وێڕای سووکایەتیکردن بە خۆپیشاندەران، هەڕەشەی لە ترامپیش کرد و وتی: بە پشتبەستن بە نکۆڵی، پاڕانەوە و تۆمەتە پووچەکانی تۆڵەسەندنەوە، دۆناڵد ترامپ، لە بەکارهێنانی توندوتیژانەی سەنگەری پڕوپاگەندەی ئێران بۆ گواستنەوە و سەربازانی "بێوڵام" ئاگادار دەکاتەوە.
ڕێبەری ڕێژیمی ئێران، هەروەها ڕوو لە خۆپیشاندەران بە زمانی هەڕەشە وتی: نۆکەری بۆ بێگانەکان قەبووڵ ناکات. تۆ هەر کەسێک دەتەوێت بیت، بوویەتە نۆکەری بێگانە، بۆ بێگانە کە کار دەکەیت میللەت پشتت تێ دەکات، نیزامی ئیسلامیش پشتی تێ دەکات.
خامنەیی، لە بەشێکی دیکەی قسەکانیدا، بە قسەی ناخۆش ڕوو لە ترامپ، ناوبراوی وەک کەسێکی لەخۆبایی و کەسێک کە بڕیار لەسەر هەموو جیهان دەدات، ناساند و لە ڕووی ستەمکارییەوە بە فیرعەون، نەمروود و ڕەزاخانی پەهلەویی شوبهاند کە لووتبەرزی و لەخۆباییبوون بووە هۆکاری ڕووخانیان.
نابراو، جارێکی دیکە هاووڵاتییانی ناڕازیی و وەزاڵەهاتووی بە تێکدەر و نۆکەری بێگانە ناو برد و جەختی لەسەر بەردەوامیی سەرکوتکردنی خەڵک کردەوە و وتی: دۆناڵد ترامپیش دەڕووخێت.
