ئۆرزۆلا فۆن دێر لاین، سەرۆکی کۆمیسیۆنی یەکێتیی ئورووپا، لە تویتێکدا ڕایگەیاند کە ئورووپا بە تەواوی لە پشت خەڵکی ئێران وەستاوە و داوای کرد کۆتایی بە سەرکوتی توندوتیژانەی ناڕەزایەتییە ڕەواکانیان بهێنرێت.
ئەو جەختی کردەوە کە بەرپرسانی سەرکوتکەر، لە مێژوودا «لە بەرەی هەڵەدا» تۆمار دەکرێن. هەروەها داوای ئازادکردنی دەستبەجێی هەموو خۆپێشاندەرە دەستبەسەرکراوەکان و گەڕاندنەوەی تەواوەتیی دەستڕەسیی ئینتێرنێتی کرد. فۆن دێر لاین جەختیشی لەسەر ڕێزگرتن لە مافە بنەڕەتییەکانی خەڵکی ئێران، لەوانە ئازادیی ڕادەربڕین و کۆبوونەوە، کردەوە.
