سەرۆکی پارلەمانی ئورووپا لە بەیاننامەیەکی فەرمیدا ڕایگەیاند کە لەم ساتەوە، چوونەژوورەوەی هەموو دیپلۆماتکاران، بەرپرسان و نوێنەرانی ڕژێمی ئێران بۆ باڵەخانەکانی ئەم پارلەمانە قەدەغەیە.
بەپێی ئەم فەرمانە، ئەم قەدەغەکردنە دەستبەجێ لە هەموو بارەگاکانی پارلەمانی ئورووپا جێبەجێ دەکرێت کە شارەکانی بروکسەل، ستراسبۆرگ و لوکسەمبورگ دەگرێتەوە.
سەرۆکی پارلەمانی ئورووپا هۆکاری ئەم بڕیارە یەکلاکەرەوەیە بۆ «سەرکوتکردنی توندوتیژانەی خۆپیشاندانەکان لەلایەن تارانەوە» گەڕاندووەتەوە. بەم هەنگاوە، دەستڕاگەیشتنی فەرمیی نێردراوانی کۆماری ئیسلامی بە یەکێک لە گرنگترین دامەزراوە بڕیاردەرەکانی ئورووپا بە تەواوی پچڕا.
