ڕۆژی چوارشەممە ١٧ی بەفرانباری ١٤٠٤، دایە فاتمە ڕەحیمی خەڵکی ئاوایی قەڵاگا لە ناوچەی شامیانی مەریوان بە هۆی پیری و بە ساڵاچووییەوە کۆچی دوایی کرد.
دایە فاتمە دایکی کاک سەیوان کەریمزادە پێشمەرگە و کەمئەندامی دێرینی حیزب بوو.
دایە فاتمە لە بنەماڵەیەکی نیشتمانپەروەر و تێگەیشتوو و دیاری ناوچەی شامیان بوو.
ناوبراو بە هۆی ئەوەی کە دایکی پێشمەرگەیەکی حیزبی دیمۆکرات بوو کەسێکی جێی باوەڕ و خۆشەویستی خەڵک بوو.
کاک سەیوان کەریمزادە پێشمەرگەی کۆمیتەی شارستانی مەریوان و کەمئەندامی حیزبە و ئێستا دانیشتووی دەرەوەی وڵاتە.
تەرمی دایە فاتمە ڕەحیمی لە گۆڕستانی ئاوایی قەڵاگا بە خاکی کوردستان سپێردرا.
ناوەندی ڕاگەیاندنی حیزبی دێموکراتی کوردستانی ئێران بەو بۆنەوە سەرەخۆشی لە بنەماڵە، خزم و کەسوکاری ناوبراو دەکات و خۆی بە هاوبەشی خەمیان دەزانێت.
