تێکۆشەرانی کورد و ئەندامانی حیزبی دێموکراتی کوردستانی ئێران!
بە بۆنەی هەشتایەمین ساڵڕۆژی دامەزراندنی کۆماری کوردستان لە دووی ڕێبەندانی ١٣٢٤، کە هەوڵێک بوو لەپێناو مافی دیاریکردنی چارەنووسی گەل بۆ گەیشتن بە ئازادی، دێموکراسی و دادپەروەریی کۆمەڵایەتی لە کوردستان، گەرمترین پیرۆزباییتان ئاراستە دەکەین.
هەروەها ڕێز لە خەباتی بێوچانی خەڵکی کوردستان دەگرین بۆ بەدەستهێنانی مافەکانیان و پەیوەندیی نێوان نەتەوەکانی ئێران.
بە مەبەستی ڕێزگرتن لەم مێژووسازییە پڕ لە قوربانیدان و قارەمانێتییە، خۆشحاڵین بە بەشداریکردنمان لەم ڕۆژە مەزنەدا.
ئێمە ئەمساڵ لە کاتێکدا یاد و ڕێزی دووی ڕێبەندان بەرز ڕادەگرین کە کۆماری ئیسلامی لە بارودۆخێکی خراپ و قەیرانە گەورە و فرەلایەنەکاندا دەژی.
لەم ڕۆژانەدا، خەڵکی ئێران لێواولێو لە جۆش و خرۆش، هیوا و دڵەڕاوکێ، دووبارە ڕژاونەتە سەر شەقامەکان و هاواری مافخوازانەیان دەنگدانەوەی هەبووە.
بەڵام ڕاپەڕینی خەڵک جارێکی دیکە کەوتووەتە ناو تەڵەی توندوتیژی و لەگەڵ سەرکوتێکی بێوێنە بەرەوڕوو بووە. ئێمە کە لە دوورەوە چاودێریی ئەم کارەساتەین، زیاتر لە هەموو شتێک بەرپرسیارین کە بە هەموو توانامانەوە ناڕەزایەتی دەرببڕین و داوای پاڵپشتی لەو خەڵکە بکەین کە لە نێویاندا دەژین.
پشتیوانیی زۆر بەرینی خەڵکی کوردستان لە بانگەوازی حیزبەکان، نیشاندەری لووتکەی وشیاریی سیاسییە.
ئەم یەکگرتوویی و سەرکەوتنە شکۆدارە لە خەڵکی وشیاری کوردستان و بزووتنەوەی ئازادیخواز لە سەرانسەری ئێران پیرۆز دەکەین.
کۆنگرەی نەتەوەکانی ئێرانی فیدراڵ خوازیاری ئێرانێکی ئازاد، سێکۆلار، فیدراڵ و حکوومەتێکە لەسەر بنەمای داخوازیی مافە نەتەوەییەکان، بەپێی جاڕنامەی جیهانیی مافەکانی مرۆڤ.
بۆ دروستکردنی یەکگرتوویی، دەبێت خۆ لە پاوانخوازی و دەسەڵاتخوازی بپارێزرێت و هەمەچەشنی و فرەیی نێو کۆمەڵگەی ئێران قبووڵ بکرێت و مسۆگەر بکرێت.
لێرەدا، بە ئاماژەکردن بە وتەیەکی بەنرخی دکتۆر قاسملوو:
«سیاسەتی ئێمە ئەوە نییە ئەگەر کەسێک دۆستمان نییە، دوژمنمانە.»
کەس ناتوانێت بانگەشەی خەبات بۆ ئازادیی سبەی بکات، بەڵام خۆی ئەمڕۆ ڕێز لە ئازادی و دێموکراسی نەگرێت.
ڕووخانی کۆماری ئیسلامی، هەنگاوی یەکەمە بۆ ڕزگارکردنی گەلانی ئێران و نەتەوە ژێردەستەکان کە هەموویان لە بارودۆخێکی زۆر سەخت و دژواردا ژیان بەسەر دەبەن و ئەم دەسەڵاتە دیکتاتۆر و تۆتالیتێرە کە بەردەوامبوونی مەترسییەکی گەورەیە بۆ ئێران، ناوچەکە و جیهان.
کەواتە دەبێت هەڵوێستی ڕووخاندنی ڕێژیمی سێدارە، کوشتار و تاوان ببێتە هەڵوێستی سەرەکی و ناوەندیی هەموو حیزب و ڕێکخراوە سیاسی و مەدەنییەکان. بەرەو پێکهێنان و پەرەپێدانی بەرەی ئازادیخوازی، فیدراڵیزم لەسەر بنەمای مافەکانی مرۆڤی جیهانی لە ئێران.
پیرۆز بێت دووی ڕێبەندان، ڕۆژی حکوومەتی نەتەوەیی کوردستان
کۆنگرەی نەتەوەکانی ئێرانی فیدراڵ – لقی ستۆکهۆڵم
و هاوپشتیی گشتگیر بۆ ئازادی و یەکسانی لە ئێران
2026-01-17
