بەرەبەیانیی ئەمڕۆ چوارشەممە، ١ی ڕێبەندانی ١٤٠٤ی هەتاوی، پارتی ئازادیی کوردستان بە بڵاوکردنەوەی ڕاگەیەندراوێک باسی لە هێرشی هاژەکی و درۆنیی کۆماری ئیسلامی بۆ سەر بنکە و بارەگاکانی خۆی کردووە.
لەم ڕاگەیەندراوەدا هاتووە: "بە داخی گرانەوە لەم پەلامارە ترسەنۆکانەیەدا، هەڤاڵ موزەفەر مەحەممەدزادە، ناسراو بە نەبەز، ئەندامی پارتی ئازادیی کوردستان و ئەندامی یەکەی لۆجستیکی سپای میللیی کوردستان، گیانی بەخت کرد و چووە ڕیزی کاروانی شەهیدانی ڕاپەڕینی بەفرانباری کوردستانەوە."
بەپێی زانیارییەکان ئەم هێرشە جگە لە شەهیدبوونی پێشمەرگەیەکی ئەم پارتە، برینداریشی لێ کەوتووەتەوە و لە بەشی فریاکەوتنی نەخۆشخانەی ڕزگاریی هەولێرە.
