ڕۆژی سێشەممە ٧ی ڕێبەندانی ١٤٠٤، کاک عومەر حەسەننژاد ناسراو بە عومەری سۆفی سمایل، ئەندامی حیزبی دێموکرات و خەڵكی ئاوایی زیندەقوڵ و دانیشتووی مەھاباد بەھۆی نەخۆشییەوە كۆچی دوایی کرد.
ناوبراو لە ئەندامانی دێرینی حیزب بوو کە لە ساڵی ١٣٧٤دا لەگەڵ چەند كەسی دیكەی ناوچەی گەوركی مەھاباد لەسەر ھاوكاریكردنی حیزب نزیک بە ٥ مانگ گیران.
کاک عومەر هەتا دوایین ساتەکانی ژیانی وەفادار بە ڕێگا و ڕێبازی حیزب بوو.
ماڵی کاک عومەر چ لە گوند و چ لە ھەوار وەک بنکەی حیزب بوو.
خوشکێکی کاک عومەر بە ناوی زیبا حەسەننژاد ئەندامی حیزبە و لە وڵاتی نۆروێژ دەژی.
تەرمی كاک عومەر بە بەشداریی خەڵكی مەھاباد و ناوچەكە بەخاكی پیرۆزی كوردستان سپێردرا.
ناوەندی ڕاگەیاندنی حیزبی دێموکراتی کوردستانی ئێران بەو بۆنەوە سەرەخۆشی لە بنەماڵە، خزم و کەسوکاری ناوبراو دەکات و خۆی بە هاوبەشی خەمیان دەزانێت.
