ڕۆژی دووشەممە ٢٢ی بەفرانباری ١٤٠٤، کاک شامرای محەممەدی، خەڵکی گوندی کەڕەگڵ سەر بە شاری کامێران، بە هۆی نەخۆشییەوە لە تەمەنی ٦٢ ساڵیدا، کۆچی دوایی کرد.
ناوبراو بۆنگای خانووبەرەی هەبووە و زۆر یارمەتیدەری خەڵکی هەژار و فەقیر بووە و لە وەرگرتنی خانووی کرێ بۆ خەڵکی هەژار و بێداهات ئەوەی لەدەستی هاتبێ درێغی نەکردووە.
کاک شامرای محەممەدی لایەنگرێکی دڵسۆزی حیزبی دێموکرات بووە و پێشتر مامۆستا بووە کە بەهۆی بیری کوردایەتییەوە لە کارەکەی دەر کراوە.
ناوەندی ڕاگەیاندنی حیزبی دێموکراتی کوردستانی ئێران بەو بۆنەوە سەرەخۆشی لە بنەماڵە، خزم و کەسوکاری ناوبراو دەکات و خۆی بە هاوبەشی خەمیان دەزانێت.
