ڕۆژی چوارشەممە ١٥ی ڕێبەندانی ١٤٠٤، کاک مەنسوور کەمانگەر کەسایەتیی نیشتمانپەروەر و حیزبدۆستی خەڵکی ئاوایی تفێن، لە تەمەنی ٦٨ ساڵیدا و بە هۆی نەخۆشیی دڵەوە کۆچی دوایی کرد.
ناوبراو خەڵکی گوندی تفێن و دانیشتووی کامێران بووە.
کاک مەنسوور کەسێکی نیشتمانپەروەر و حیزبدۆست بووە و لە ناوخۆی کوردستاندا هاوکارێکی زۆر باشی کادر و پێشمەرگەکانی حیزب بووە.
تەرمی ناوبراو لەنێو ئاپۆرای خەڵکدا بە خاک سپێردراوە.
ناوەندی ڕاگەیاندنی حیزبی دێموکراتی کوردستانی ئێران بەو بۆنەوە سەرەخۆشی لە بنەماڵە، خزم و کەسوکاری ناوبراو دەکات و خۆی بە هاوبەشی خەمیان دەزانێت.
