ڕۆژی یەکشەممە ١١ی ڕێبەندانی ١٤٠٤، سەید ڕەشید سەید ڕەحمانی، خەڵكی گوندی گرژاڵی ڕەبەت و باوكی شەهید سەیدمحەممەد ڕەحمانی كۆچی دوایی كرد.
ناوبراو پیاوێكی نیشتمانپەروەر و گەلدۆست و لەنێو خەڵكدا زۆر خۆشەویست و جێگای ڕێز بوو.
سەیدمحەممەدی كوڕی لە تەمەنی لاوەتیدا ڕووی كردە ڕیزی پێشمەرگەكانی حیزبی دێموكرات و لە هێزی زمزیراندا درێژەی بە تێكۆشان دا. ناوبراو لەنێو پێشمەرگەكاندا زۆر خۆشەویست و قسەخۆش بوو.
سەیدمحەممەد لە ڕۆژی ٩ی سەرماوەزی ١٣٧٣دا لە كاتی گەڕانەوە لە ناوچە، لە پشتی گوندی گۆڕەشێر، كەوتە سەر مینی چێندراوی دەستی دوژمن و شەهید بوو.
تەرمی سەیدمحەممەد بۆ شارەدێی گرجان لە باشووری كوردستان ڕاگوێزرا و لەوێ لەنێو ئاپۆڕای خزمانی خۆی و خەڵكی گرجاندا بە خاک سپێردرا.
ناوەندی ڕاگەیاندنی حیزبی دێموکراتی کوردستانی ئێران بەو بۆنەوە سەرەخۆشی لە بنەماڵە، خزم و کەسوکاری ناوبراو دەکات و خۆی بە هاوبەشی خەمیان دەزانێت.
