ڕۆژی دووشەممە ۲۷ی ڕێبەندانی ۱٤۰٤، کەسایەتییەکی دڵسۆز و تێکۆشەر بە ناوی مەحموود خوون نەزەر، خەڵکی گوندی تووەسوورانی سەرشیوی مەریوان لە تەمەنی ٤۷ ساڵیدا و بەهۆی نەخۆشیی شێرپەنجەوە کۆچی دوایی کرد.
کاک مەحموود کەسێکی دڵسۆز و حیزب خۆشەویست و تێکۆشەر بوو.
ناوبراو یەکێک کەسایەتییە نیشتمانپەروەر و حیزبخۆشەویستەکانی ناوچەی سەرشیوی مەریوان بوو.
نابراو لە بۆنەکانی نەورۆزدا و بەتایبەت لە نەورۆزی خاکیپۆشاندا، زۆر چالاک بووە و لاوانی بۆ ئەرکە نیشتمانی و حیزبییەکان هان دەدا.
تەرمی کاک مەحموود لە گۆڕستانی بەهەشت مستەفای شاری مەریوان بە بەشداریی خەڵکی ناوچە و هاوڕێیانی خاکی پیرۆزی نیشتمان سپێردرا.
ناوەندی ڕاگەیاندنی حیزبی دێموکراتی کوردستانی ئێران بەو بۆنەوە سەرەخۆشی لە بنەماڵە، خزم و کەسوکاری ناوبراو دەکات و خۆی بە هاوبەشی خەمیان دەزانێت.
