ڕۆژی هەینی ١ی ڕەشەمەی ١٤٠٤، کەژوان کەدخودانەبی ئەندامی حیزبی دێموکراتی کوردستانی ئێران لە ناوچەی شامات بە ڕووداوی هاتوچۆ لەسەر جاددەی مەهاباد - میاندواو گیانی لەدەست دا.
کەژوان کەدخودانەبی لە بنەماڵەیەکی نیشتمانپەروەر لە گوندی گەنجئاوای شامات لە مەهاباد لەدایک بووە.
ناوبراو لە ساڵی ١٤٠٣ـەوە پەیوەندیی بە تەشکیلاتی حیزبی دێموکراتەوە گرتووە و لەو ماوە کورتەیدا کە ئەندامی حیزب بووە چالاکانە ئەرک و ڕاسپاردەکانی بە لەخۆبردووییەوە ڕاپەڕاندووە.
ناوەندی ڕاگەیاندنی حیزبی دێموکراتی کوردستانی ئێران بەو بۆنەوە سەرەخۆشی لە بنەماڵە، خزم و کەسوکاری ناوبراو دەکات و خۆی بە هاوبەشی خەمیان دەزانێت.
