ئێمە وەک پارتی سۆسیالیست کوردستان (PSK)، بە دڵێکی خۆش و هەست و جۆشێکی گەورەوە پێشوازی لەم پێشکەوتنە گرنگە دەکەین کە لە گۆڕەپانی سیاسیی ڕۆژهەڵاتی کوردستاندا هاتووەتە ئاراوە.
هاوپەیمانیی هێزە سیاسییەکانی کوردستانی ئێران، دوای دانوستان و گفتوگۆ، لەلایەن حیزبی دێموکراتی کوردستانی ئێران، پارتی ژیانی ئازادی کوردستان (PJAK)، پارتی ئازادیی کوردستان (PAK)، کۆمەڵەی زەحمەتکێشانی کوردستان و سازمانی خەباتی کوردستانی ئێرانەوە دامەزرا و لە ڕاگەیاندنێکی هاوبەش و لە ڕێگەی میدیاوە بە ڕای گشتی ڕاگەیاندرا.
بۆ ڕۆژهەڵاتی وڵاتەکەمان ئەم هەنگاوە، هەنگاوێکی گرنگ و قۆناغێکی نوێیە. ئەم هەنگاوە مێژووییە، هیوا و بڕوا بە سەرکەوتن لە ڕۆژهەڵاتی کوردستاندا بەهێزتر دەکات.
ئێمە وەک پارتی سۆسیالیستی کوردستان، دامەزراندنی ئەم هاوپەیمانییە وەک هەنگاوێکی مێژوویی بەرز دەنرخێنن و بە گەرمی پیرۆزبایی ئەم هاوخەباتی و یەکگرتنە لە براکانی خۆمان لە ڕۆژهەڵاتی کوردستان دەکەین و هیوای سەرکەوتن بۆ هەموو حیزب و ڕێکخراوەکانی ئەم هاوپەیمانییە بە ئاوات دەخوازین.
پشتیوانیی خۆمان لە تێکۆشانی هاوبەشی هێزە سیاسییەکانی ڕۆژهەڵاتی کوردستان ڕادەگەینین و لەو بڕوایەداین و هیوا دەخوازین کە ئەم هەنگاوە ببێتە نموونەیەک بۆ بەشەکانی دیکەی کوردستان و دیاسپۆرای کورد.
بژی یەکیەتیی و هاوپەیمانیی هێزە نیشتمانپارێزەکان!
بژی تێکۆشان بۆ ئازادی و دێموکراسی!
پارتی سۆسیالیستی کوردستان (PSK)
٢٣ی فێورییەی ٢٠٢٦
