ڕۆژی سێشەممە ١٤ی ڕێبەندان، "محەممەدجەعفەر مونتەزێری"، بەرپرسی دیوانی باڵای ڕیژیم ڕایگەیاند کە دۆسیەی دەسبەسەرکراوانی ناڕەزایەتییەکانی بەفرانباری ١٤٠٤، بە هۆکاری هەستیاری و ئەمنییەتیبون، لە پێشخستنی نۆرە و جێبەجێکردنی یاسا مامەڵەی لەگەڵ دەکرێت.
پێشتریش داواکاری گشتیی ڕێژیم بە دەرکردنی بڕیارێکی تایبەت بۆ خێراکردنی بەدواداچوونەکانی ئەم دۆسییەیە، ناڕازییانی بە "مۆرەی دەرەکی" ناساندووە و خوازیاری بڕیاری سزادان بە بێ هیچ نەرمی نواندنێک بووە.
ئەم داخوازییانە نیگەرانییەکانی لەبارەی پێشێلکردنی مافی دادگاییکردنی دادپەروەرانە، سەربەخۆیی دادوەری و تەشەنەسەندنی ئاڵۆزییە ئەمنییەتییەکانی لە هەڵسوکەوت لەگەڵ ناڕازییان زیاتر کردووە.
ئەم پرۆسەیە دەتوانێت ببێتە هۆی سزای قورس و ناڕوون بۆ دەسبەسەرکراوان و سنوردارکردنی مافی بەرگریکردنی یاسایی لە خۆیان.
بنەماڵە و چالاکانی مەدەنیش ڕەخنەیان لە ناڕوونیی زانیارییەکانی پەیوەست بە شوێن و بارودۆخی دەسبەسەرکراوان گرتووە و خوازیارن چاودێریی نێونەتەوەیی و پابەندبوونی پێوەرەکانی مافی مرۆڤ لەم پرۆسەیە ڕەچاو بکرێت.
