بەپێی ڕاپۆرتەکان، نیوەڕۆی ئەمڕۆ چوارشەممە ٢٠ی ڕەشەممەی ١٤٠٤، زیاتر لە ٢٠ ناوەندی سەربازی و ئەمنیی کۆماری ئیسلامی لە شارەکانی قوروە، سنە، دیواندەرە، سەقز، بانە و مەریوان لەلایەن فڕۆکە شەڕکەرەکانی ئەمریکا و ئیسرائیلەوە کرانە ئامانج.
بەپێی زانیارییەکان، ئەو ناوەندانەی کە لە شارە جیاوازەکان کراونەتە ئامانج بریتین لە:
ـ بنکەی هەنگی سنووری
ـ وێستگەی ڕاداری سەر بە ئیدارەی ئیتلاعات لە "قەڵای ئیمام"
ـ پادگانی سپا لە گوندی بەردەڕەشە
ـ بنکەی سپا لە گوندی چاوگ
ـ بنکەی سپای حزبوڵڵا لە گوندی "بی کەڕە"
ـ بنکەی سپای پاسداران لە کانیدینار
ـ بنکەی هەنگی سنووری لە کانیدینار
ـ بنکەی جێگیر لە سێڕێیانی گوندی نێ
ـ بنکەی جێگیر لە تەنیشت قەبرەدەروێش
ئەو ناوەندانەی لە شاری سەقز کراونەتە ئامانج:
ـ باڵەخانەی کەلانتەریی ١٢
ـ بنکەی هێزی ئینتیزامی لە گوندی "سونەتە"
ـ بنکەی هێزی ئینتیزامی لە گوندی ئادینان
ـ بنکەی جێگیر لە گوندی حەسەنسەلاران
ـ بنکەی جێگیر لە گوندی "کەسەنەزان"
ئەو ناوەندانەی لە شاری بانە کراونەتە ئامانج:
ـ باڵەخانەی فەرمانداری
ـ بارەگای ئەرتەش لە شاری بانە
ـ فەرماندەیی هەنگی سنووری
ـ بنکەی هێزی ئینتیزامی لە گوندی "ڕەشەقەڵات"
ـ باڵەخانەی ئیتلاعاتی سپای پاسداران
ئەو ناوەندانەی لە شاری دیواندەرە کراونەتە ئامانج:
ـ بنکەی بەسیج لە ناو شاردا
ـ قەرارگای سپای پاسداران
ئەو ناوەندانەی لە شاری قوروە کراونەتە ئامانج:
ـ بنکەی سپای پاسداران لە ناو شاری قوروەدا
ئەم هێرشانە لە کاتێکدایە کە دۆخی ناوچەکە بە توندی ئاڵۆز بووە و زانیارییەکان باس لە تێکشکان و زیانی زۆری ئەو ناوەندە ئەمنییانە دەکەن.
