دۆناڵد ترامپ، سەرۆککۆماری ئەمریکا، ڕۆژی چوارشەممە ٢٠ی ڕەشەمە، ڕایگەیاند کە کۆماری ئیسلامی لە لێواری تێکشاندایە و هۆشداری دا کە هێزەکانی ئەمریکا دەتوانن هێرشەکان بە جۆرێک توندتر بکەن کە ئاوەدانکردنەوەی ئێران "مەحاڵ" بێت.
ترامپ بە پەیامنێرانی وت: "ئەوان گەیشتوونەتە کۆتایی هێڵ." هەروەها ئاماژەی بەوە کرد کە واشنگتۆن بە جیدی چاو لە پرسی گەرووی هۆرمۆز" دەکات و تەنانەت بیر لە کۆنترۆڵکردنی دەکەنەوە.
لە بەرامبەردا، مەسعوود پزیشکییان لە پەیامێکدا ڕایگەیاند کە تەنیا ڕێگەی کۆتاییهێنان بە شەڕ، داننان بە مافەکانی ئێران و پێدانی قەرەبووی زیانەکانە.
سەبارەت بە هەڕەشەی چالاکبوونی "شانە نوستووەکان"ی کۆماری ئیسلامی، ترامپ جەختی کردەوە کە شوێنی هەموو ئەو شانانە دەزانن و لەژێر چاودێریدان.
هاوکات دەزگا ئەمنییەکانی ئەمریکا بەهۆی ڕێگریکردن لە هەندێک پەیوەندیی نێوان ئەو شانانە، خراونەتە حاڵەتی ئامادەباشیی تەواوەوە.
ترامپ دووپاتی کردەوە کە ئەمریکا بە ئازادی لە ئاسمانی ئێراندا دەجووڵێتەوە و پێگەی وڵاتەکەی لەم شەڕەدا زۆر بەهێزە.
