بەرەبەیانی ئەمڕۆ شەممە ٢٣ی ڕەشەمە، لە ئەنجامی هێرشێکی ئاسمانیی ئیسرائیل بۆ سەر ماڵێک لە شاری ئەیوان لە پارێزگای ئیلام، مۆرەیەکی ڕێژیمی ئێران کە لە بەشی "هەوافەزا"دا کاری دەکرد، کرایە ئامانج و کوژرا.
ئەم مۆرەیەی ڕێژیم کە شەوی ڕابردوو بۆ خۆشاردنەوە لە تارانەوە گەیشتبووە ئەو شوێنە، بووەتە هۆی ئەوەی ناوچەیەکی مەدەنی بکرێتە ئامانج لەو سۆنگەیەوە زیان بەر خەڵکی دەورووبەریشی بکەوێت.
بەرپرسان و مۆرەکانی ڕێژیمی ئێران بۆ پاراستنی گیانی خۆیان، بەبەردەوامی پەنا دەبەنە بەر ماڵی هاووڵاتییان و ناوچە مەدەنییەکان وەک حەشارگە و قەڵغانی مرۆیی بەکار دەهێنن، ئەمەش ڕاستەوخۆ گیانی خەڵکی سڤیل دەخاتە مەترسییەوە.
