بەپێی ڕاپۆرت، وێنە و ڤیدیۆ بڵاوکراوەکان، سەرلەبەیانیی ئەمڕۆ دووشەممە ١١ی ڕەشەمەی ١٤٠٤ و هاوکات لەگەڵ سێیەمین ڕۆژی هێرشەکانی ئیسرائیل و ئەمریکا بۆ سەر ئێران، چەند بنکەی نیزامی و ئەمنییەتیی ڕێژیم لە شاری سنە کرانە ئامانج.
بەپێی زانیارییەکان بنکەی پۆلیسی تەکیە و چەمەن، ستادی ئەرتەشی سنە، پادگانی لەشکەر ٢٨ و ناوەندی بەسیج، ئیتلاعاتی شارامفەر ئەو شوێنانەن کە کراونەتە ئامانج.
هەروەها ناوەندی سپا لە گوندی دووشان و کەڵانتەری ١٥ی ئەم شارەش کراونەتە ئامانج و بە وتەی شایەتحاڵان خەسارێکی زۆر بەر ڕێژیم کەوتووە.
هاوکات لە شاری نەغەدەش هێرش کراوەتە سەر پادگانی وەلیعەسر کە ئەو مۆڵگەیە شوێنی ئازار و ئەشکەنجەدانی تێکۆشەرانی کورد بووە.
لە ئۆپەراسیۆنی هاوبەشی ئەمریکا و ئیسرائیلدا ئیتلاعاتی ڕێژیم لە مەهابادیش کراوەتە ئامانج .
ڕۆژی یەکشەممە ١٠ی ڕەشەمەش بنکەی سپا لە سەرپێڵ و چەندین بنکەی نیزامی لە کامێرانیش کرانە ئامانجی هێرشەکانی ئەمریکا و ئیسرائیل.
