نووسینگەی لێکۆڵینەوەی پۆلیسی فیدراڵیی ئەمریکا (FBI) هۆشداریی دا کە هاکەرەکانی سەر بە کۆماری ئیسلامی، تۆڕی کۆمەڵایەتیی تێلێگرام وەک ژێرخانێکی "فەرماندەیی و کۆنترۆڵ" (C2) بۆ چالاکییە تێکدەرەکانیان بەکار دەهێنن.
بەپێی ڕاپۆرتی بەشی سایبێری پۆلیسی فیدراڵی ئەمریکا، ئەکتەرە سایبێرییەکانی ئێران ئەم ڕێگەیە بەکار دەهێنن بۆ گواستنەوەی بدافزار (پرۆگرامی زیانبەخش) بۆ نێو کۆمپیوتێر و مۆبایلە زیرەکەکانی نەیارانی ڕێژیم و گرووپەکانی ئۆپۆزیسیۆن لە سەرانسەری جیهاندا.
ئامانجی ئەم هێرشانە جگە لە دەستکەوتنی زانیارییە تایبەتییەکان، لێدان لە پێگەی کەسایەتییە ئۆپۆزیسیۆنەکانە.
وردەکارییە تکنیکییەکان FBI هاوپێچێکی گرافیکی و دەقی بڵاوکردووەتەوە کە تێیدا بە وردی شێوازی کارکردنی ئەم هەکێرانە ڕوون کراوەتەوە.
لەم شێوازەدا، تێلێگرام وەک ناوەندێکی سەرەکی بۆ ناردنی فەرمان بۆ ئامێرە هەککراوەکان و کۆکردنەوەی زانیارییە دزراوەکان بەکار دەهێنرێت، بە جۆرێک کە ناسینەوەی ئەم چالاکییانە بۆ بەکارهێنەری ئاسایی کارێکی ئەستەمە.
