ئەمرۆ چوارشەممە ١٣ی ڕەشەمە، لە ئەنجامی هێرشە مووشەکییە قورسەکانی ئیسرائیل، ناوەندە ستراتیژییەکانی کۆماری ئیسلامی لە کوردستان کرانە ئامانج.
لە کرماشان، بینای ئیدارەی ئیتلاعات تەقێندرایەوە و بارەگاکانی سپای پاسداران لە بانە، شنۆ و سەردەشت پێکران و وێران کران.
ئەم هێرشە چڕانەی سەر بنکە ئەمنییەتی و سەربازییەکانی ڕۆژهەڵاتی کوردستان، لە چوارچێوەی عەمەلیاتێکی هاوبەشی ئەمریکا و ئیسرائیلدایە کە لە چەند ڕۆژی ڕابردووەوە بۆ سەر سەرتاسەری ئێران دەستی پێکردووە.
ئامانجی ئەم هێرشانە بریتییە لەنێوبردنی توانای سەربازیی سپای پاسداران و تێکشکاندنی ئەو ژێرخانە ئەمنییانەی کە بۆ سەرکوتکردنی نێوخۆیی و تێکدانی ئەمنییەتی ناوچەکە بەکار دەبردرێن.
