جیم فیترلینگ، بەڕێوەبەری شیرکەتی "داو جۆنز" سەبارەت بە درێژەخایەنبوونی پڕۆسەی ئاسایی بوونەوەی کەشتیوانی لە گەرووی هۆرمۆز هۆشداری دا و ڕایگەیاند کە ئەم پڕۆسەیە ئەگەری هەیە "چەند وەرزێک" بخایەنێت.
بە وتەی ناوبراو، تەنانەت لە ئەگەری کردنەوەی دەستبەجێی ئەم ڕێڕەوە، لابردنی تەواوی کۆسپە لۆجستیکەکان و گەڕاندنەوەی ڕەوتی ئاسایی بازرگانی دەریایی کاتێکی زۆری دەوێت.
فیترلینگ لە چاوپێکەوتنێکدا لەگەڵ کاناڵی "CNBC" جەختی کردەوە کە بەپێی سیناریۆ داڕێژراوەکان، پاککردنەوەی تەواوی ئەو گەرووە و دەستپێکردنەوەی چالاکییەکان ڕەنگە نزیکەی ٢٧٥ ڕۆژ یان تەنانەت زیاتریش بخایەنێت.
گەرووی هۆرمۆز لە دوای دەستپێکردنی شەڕی ئێران داخرا و دوای جێبەجێکردنی گەمارۆی بەندەرەکانی ئێران لەلایەن ئەمریکاوە، جارێکی دیکە لەلایەن کۆماری ئیسلامییەوە پەک خرا.
فیترلینگ هەروەها ئاماژەی بە پێویستی گەڕاندنەوەی کەشتییە بەتاڵەکان و پاککردنەوەی کەنداوی کرد و وتی ئەم پڕۆسەیە لە کورتخایەندا جێبەجێ ناکرێت.
