لە کاتێکدا ئاگربەست بەردەوامە، ڕاپۆرتەکان باس لە زیاتربوونی قەیران لە بازاڕی کاری ئێران و بێکارییەکی بەرفراوان دەکەن. خەمڵاندنەکان نیشانی دەدەن کە یەک میلیۆن هەلی کار بە شێوەی ڕاستەوخۆ لەنێو چوون و بە هەژمارکردنی پیشە نافەرمییەکان، ژمارەی بێکارەکان ئەگەری هەیە بگاتە ٤ میلیۆن کەس.
بەرپرسانی فەرمی باس لە ئاراستەکردنی ئاماری جیاواز دەکەن و غولامحوسێن محەممەدی باسی لە لەنێوچوونی زیاتر لە یەک میلیۆن هەلی کاری ڕاستەوخۆ کردووە، لە کاتێکدا "خانە کارگر" ڕایگەیاندووە کە زیاتر لە ٧٠٠ هەزار هەلی کار لە کاتی شەڕدا لەنێو چوون. لەگەڵ ئەوەشدا، بەشێکی گەورەی پیشە نافەرمییەکان لەم ئامارانەدا لەبەرچاو نەگیراون.
بەشەکانی وەک بیناسازی و پیشەسازییە بچووکەکان زۆرترین زیانیان بەرکەوتووە و زۆربەی کرێکاران بەبێ هیچ جۆرە بیمەیەکی بێکاری ماونەتەوە. هاوکات، زیادبوونی خواست بۆ وەرگرتنی بیمەی بێکاری و گەشەی دەرکردنی هێزی کار لە یەکە بەرهەمهێنەرەکان و تەنانەت پلاتفۆرمە ئانلاینەکان، وەک نیشانەیەک بۆ قووڵبوونەوەی قەیرانی ئابووری لە ئێراندا هەڵدەسەنگێندرێت.
