سەرۆکی ئاژانسی نێودەوڵەتیی وزە ڕایگەیاند کە بەرزبوونەوەی نرخی نەوت لە ئەنجامی شەڕ لە ڕۆژهەڵاتی نێوەڕاستدا، جیهانی لەگەڵ کێشەیەکی گەورەی وزە و ئابووری بەرەوڕوو کردووەتەوە.
فاتح بیرۆڵ، سەرۆکی ئاژانسی نێودەوڵەتیی وزە ڕایگەیاند جیهان لەگەڵ "کێشەیەکی گەورەی وزە و ئابووری" بەرەوڕوویە و بەرزبوونەوەی نرخی نەوت کە هۆکارەکەی شەڕ لە ڕۆژهەڵاتی نێوەڕاستە، گوشارێکی بەرچاوەی خستووەتە سەر وڵاتان.
ناوبراو لە کۆبوونەوەیەکدا سەبارەت بە گواستنەوەی وزە لە بارەگای ئەم ئاژانسە لە پاریس وتی: "جیهان لەگەڵ گەورەترین قەیرانی وزە لە مێژوودا بەرەوڕووە" و زیادی کرد کە بەرزبوونەوەی نرخی نەوت بۆ سەرووی ١٢٠ دۆلار گوشارێکی زۆری بۆ زۆرێک لە وڵاتان دروست کردووە.
